’n Topklas Versnit & Die Kuns agter Fermentasie.

Verlede week Woensdag het Episode 4 van Die Wynmeester (op VIA, Kanaal 147) die skerms aan die brand gesteek met ’n uitdagende toets vir ons ses onafhanklike wynmakers. Die week se taak? Om ’n topklas wynversnit te skep wat balans, karakter en persoonlikheid weerspieël.

Die wynmakers moes nie net hul tegniese kennis wys nie, maar ook hul kreatiewe kant. Hulle moes elkeen ’n sosiale media reel skep wat hul unieke proses en benadering na ’n topklas wynversnit uitbeeld. Dit was ’n kans om hul wynverhaal visueel en treffend te deel, iets wat moderne wynliefhebbers eerstehands kan waardeer.

Verder het ons die kans gekry om die fermentasieproses van nader te verken. Die kern van wynmaak waar suiker na alkohol omgeskakel word, en waar dit regtig begin. Hierdie proses bepaal nie net die tekstuur en gehalte van die wyn nie. Dit dra ook by tot die unieke geurprofiel wat uiteindelik in die bottel beland.

Die episode is verder verryk deur ons gas-beoordeelaar wat haar kundigheid en passie vir wyn gedeel het. Lisa van Niekerk, beter bekend as Lisa met die rooi hare, het haar skerp oog vir detail en kreatiewe insig ingebring, terwyl hoofbeoordelaar Abrie Beeslaar, die wêreldbekende wynmaker agter Beeslaar en Kanonkop, ook sy diepgaande kennis en ervaring tot die tafel gebring het. Hulle terugvoer het elke wynmaker uitgedaag om nog dieper te dink oor balans, styl en kwaliteit.

Wat wag in Episode 5?

Hierdie week toets Die Wynmeester die wynmakers se kreatiewe én praktiese kant. Die fokus skuif na bottelering en etikettering – ’n stap wat nie net tegnies presies moet wees nie, maar ook bemarkingswaarde dra.

Die wynmakers sal hul ontwerpvaardighede moet gebruik om ’n etiket te skep wat nie net esteties mooi is nie, maar ook die identiteit van hul wyn weerspieël. ’n Wyn sonder ’n treffende etiket is soos ’n boek sonder ’n omslag – en hierdie uitdaging gaan beslis spanning bring.

Hou dus jou glasie wyn naby en moenie misloop hoe ons ses onafhanklike wynmakers hierdie uitdaging aanpak nie.

Koop die Wynmakers se Wyne

Onthou, elke onafhanklike wynmaker wat jy op Die Wynmeester sien, se wyn is beskikbaar op ons webblad 👉 www.diewynmeester.co.za.